दुई टाउके सर्प देख्नुभएको छ ? हेर्नुहोस् (भिडियो सहित )..
Posted by News NP on | 0 comments
एजेन्सी: तपाईँहरुले अहिलेसम्म एउटामात्रै टाउको भएको सर्प देख्नु भएको होला। दुई टाउके सर्पबारेको कहानी भने धेरै सुन्नु भएको हुनुपर्छ ।
नेपालमा सर्पलाई नागराजाको रुपमा पूजा गरिन्छ । झनै दुई टाउके सर्प भेटिएमा झनै ठूलो पूजा होला । नेपालमा नभेटिएपनि अमेरिकामा भने दुईवटा टाउको भएको अनौठो सर्प भेटिएको छ।
दुई टाउको भएको यो सर्पलाई अमेरिकाको कंसासका ज्यासन टाल्बोट आफ्नो क्यामरामा कैद गरेका छन्।
यो सर्पलाई टाल्बोटका एक साथीले जंगलमा देखेका थिए । उनी ती साथीमार्फत दुईमुखे सर्पबारे सुनेपछि खुसीले उफ्रिँदै तस्बिर खिच्न जंगलतिर लागे।
'म यस्तो किसिमको सर्पको ठूलो प्रशंसक हुँ। मैले धेरै सर्पको फोटो खिचेको छु। कुनैले त मलाई टोकेका पनि छन्', उनी आफ्नो अनुभव सुनाउँछन्, 'तर मेरो भाग्य भन्नुपर्छ, तीमध्ये कुनै पनि विशालु भने थिएनन्।'
उनका अनुसार दुई टाउके सर्पको एउटा टाउको धेरै आक्रामक हुन्छ, जसले टोक्न पनि सक्छ। तर दुईवटै टाउकोले एकसाथ काम गर्न नसक्ने भएकाले यो सर्पले कुनै पनि चीजलाई टोक्न वा पक्रन सक्दैन। उनका अनुसार यो सर्प दुबै टाउकोको सहयोगमा मात्रै सर्न सक्छ ।
टाल्बोटका अनुसार यस्तो सर्प केही महिनाभन्दा धेरै जिउँदो रहन सक्दैन । विज्ञका अनुसार दस हजार सर्पमध्ये एउटा मात्र यस्तो भेटिन्छ। तर यस्ता सर्पको संख्या विश्वमा कति छ भन्ने किटान गर्न गाह्रो छ।
You can subscribe by e-mail to receive news updates and breaking stories.
0 comments for " दुई टाउके सर्प देख्नुभएको छ ? हेर्नुहोस् (भिडियो सहित ).. "
Leave a reply